2015 jylǵy 26 qarasha, Astana qalasy
Memlekettik mýzeılerde qor-satyp alý (qor-irikteý) komıssııasyn qurý qaǵıdalaryn bekitý týraly
«Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-baby 35-2) tarmaqshasyna sáıkes buıyramyn:
1. Qosa berilip otyrǵan Memlekettik mýzeılerde qor-satyp alý (qor-irikteý) komıssııasyn qurý qaǵıdalary bekitilsin.
2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin on kún ishinde eltańbaly mórmen kýálandyrylǵan qaǵaz danadaǵy kóshirmesin qosa bere otyryp, elektrondyq tasyǵyshta osy buıryqtyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryq resmı jarııalanǵannan keıin ony Qazaqstan Respýblıkasy Mádenıet jáne sport mınıstrliginiń ınternet-resýrsynda ornalasýyn;
4) osy tarmaqta kózdelgen is-sharalardyń oryndalýy týraly málimetterdi osy is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport mınıstrliginiń jetekshilik etetin vıse-mınıstrine júktelsin.
4. Osy buıryq resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MUHAMEDIULY
Qazaqstan Respýblıkasy Mádenıet jáne sport mınıstriniń
2015 jylǵy 26 qarashadaǵy №362 buıryǵymen bekitilgen
Memlekettik mýzeılerde qor-satyp alý (qor-irikteý) komıssııasyn qurý qaǵıdalary
1. Jalpy erejeler
1. Memlekettik mýzeılerde qor-satyp alý (qor-irikteý) komıssııasyn qurý qaǵıdalary (budan ári – Qaǵıdalar) Memlekettik mýzeılerde qor-satyp alý (qor-irikteý) komıssııasynyń (budan ári – Komıssııa) qurylý tártibin anyqtaıdy.
2. Komıssııa mýzeı qorlaryn qalyptastyrý úshin mádenı qundylyqtardy satyp alý jáne irikteý máselelerin qaraý maqsatynda qurylady.
3. Komıssııa óz qyzmetin «Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-baby, 35-2) tarmaqshasyna, sondaı-aq osy Qaǵıdalarǵa sáıkes júzege asyrady.
2. Komıssııanyń qurylý tártibi
4. Komıssııa memlekettik mýzeı janynan mádenı qundylyqtardy satyp alý jáne irikteý máselelerin qaraý kezeńinde qurylady. Komıssııanyń quramy memlekettik mýzeı dırektorynyń buıryǵymen bekitiledi.
5. Komıssııanyń quramyna tóraǵany, memlekettik mýzeılerdiń qurylymdyq bólimsheleriniń jetekshileri men qyzmetkerlerin qosa eseptegende besten kem emes múshe kiredi.
Mádenı qundylyqtardy satyp alý jáne irikteýge arheologııa, etnografııa, nýmızmatıka, tarıh, ónertaný, restavrasııa jáne taǵy basqa salalar boıynsha saraptamalyq baǵalaý qajet bolǵan jaǵdaıda Komıssııaǵa qatysý úshin tıisti mamandar shaqyrtylady.
6. Komıssııanyń tóraǵasy memlekettik mýzeıdiń mýzeı qundylyqtaryn esepke alý jáne saqtaý baǵyty boıynsha jetekshilik etetin dırektordyń orynbasary nemese bas qor saqtaýshysy bolyp tabylady.
7. Komıssııanyń hatshysy mýzeı qundylyqtaryn esepke alý jáne saqtaý baǵyty boıynsha qurylymdyq bólimshelerdiń biriniń qyzmetkeri bolyp tabylady.
8. Komıssııanyń sheshimi usynys sıpatyndaǵy hattamamen resimdeledi.
Buıryq Qazaqstan Respýblıkasynyń Ádilet mınıstrliginde 2015 jylǵy 22 jeltoqsanda Normatıvtik quqyqtyq kesimderdi memlekettik tirkeýdiń tizilimine №12466 bolyp engizildi.